農場冰室

Open Now

Now Closed

成日同同事都講Kennedy Town無乜嘢新餐廳，食嚟食去都係嗰啲。今次就俾我地搵到呢一間農場冰室，無論裝修定餐牌，都有啲似90年代曾經成行成市嘅農場餐廳。啱啱裝修完，入到去仲見到個Bar枱有個花籃，成間鋪頭唔算太大，大概有十幾張枱。食品種類同普通茶餐廳比唔算太多，但係麻雀雖小五臟俱全，應該有嘅都會有。好似一般嘅茶餐廳咁，要試嘅當然就係佢哋嘅茶餐/常餐。香煎豬扒米線/自家製叉燒湯出前一丁   配    黑松露炒蛋跟蒜蓉厚多士 同餐飲 ($46)。豬扒整得幾入味，略兼鬆肉粉落得太多，搞到無乜質感。蒜蓉厚多士都夠味，上碟時都係又熱又脆嘅！黑松露炒蛋都唔會吝嗇，不過松露味可以再濃少少。