農場冰室

Open Now

Now Closed

魚柳包超級好美，又大件，個包好鬆化，冇雪藏味，早餐算呢區數一數二。反而豬扒包就有舊骨，如果冇骨就比較好，好容易咬到啊，但肉質好淋，奶茶有待改善，可能覺得太興奶茶好飲啲啲。

去完堅尼地城海旁打完卡同女仔fd睇完戲，緊係要係附近食個飯啦，附件都幾多西餐但女伴又想試下d地道既餐廳，於是就揀左農場冰室，比茶餐廳高班既質素又唔會太貴。今次揀左黑椒汁三文魚雞扒，完全係未試過既組合！🤤如果你又想食肉又中意三文魚絕對值得你試，如果黑椒唔岩你仲可以揀蒜汁嫁，非常貼心👍🏻女伴方面，就揀左蒸咸魚肉餅飯，坐係對面都聞到咸魚味，正呀🤤👍🏻飲品方面，仲有咸檸樂你揀，開胃得黎又有特別既口感。🤤

焗粟米牛脷飯（$44）牛脷切條，有厚度，彈牙有口感（但有兩條比較韌）。焗牛脷飯個人比較喜歡茄醬。飯底係炒飯，夠乾身。焗咖哩雞扒飯（$44）唔係我想像中嘅咖哩汁，似馬來西亞辣沙嗲汁多啲，但又幾惹味，撈飯唔錯。生炸雞脾配薯條（$42）有用咖哩粉做底味，炸得唔錯，外皮脆，中間啲肉仲有汁。薯條夠脆身。PS：只收現金

農場冰室 (堅尼地城) 每次揸車經過見到都好想試吓呢一間農場冰室❤️ 感覺會幾好食🤣係堅尼地城唔錯嘅選擇 餐廳嘅餐牌有好多唔同嘅選擇 每一樣嘢都好吸引 而且價錢都好優惠❤️▫️常餐 香煎豬扒配出前一丁 黑松露炒蛋跟蒜蓉厚多士不得不讚佢嘅豬扒真係入味 唔係鞋拾拾個種 而且更出前一丁都唔需要額外加錢👍🏻▫️焗蜜桃豬扒飯炒飯底 同上面香煎豬扒一樣都係好入味 不過略嫌佢焗得未夠耐📍 農場冰室 (堅尼地城)香港島堅尼地城吉席街38號地下A舖

成日經過堅尼地城都見到這間農場冰室，不知和從前的農場餐廳有無關係？今天和朋友食晏，在懷念舊日和好奇心驅使下，入去試了兩個午餐，失望而回。記得以前農場餐廳的羅宋湯好好飲，而這間餐廳又有「招牌羅宋湯系列」，一定要試試。所以叫了「燒焗雞扒配羅宋湯通粉」（$53）。另外叫一個是日午餐「焗鮮茄牛脷飯」（$58），還特意將餐飲改為羅宋湯。餐奶茶和羅宋湯最先來到。奶茶好普通，羅宋湯都好普通！羅宋湯不算大碗，味道夠但不夠濃郁和偏甜，只得非常少的雜菜，只能說是不過不失。隨後來到的是牛脷飯，奇怪焗飯何以比通粉還快？原因好簡單，這個所謂焗飯只是快速焗溶牛脷上的幾粒芝士，基本上只是把獻汁淋面的「燴飯」。望着這碟牛脷飯的螢光蕃茄汁不禁失笑，真的好港式好懷舊。螢光蕃茄汁是七八十年代快餐店常見醬汁，主要材料只是麵粉、油、糖、茄汁和花奶！時代進步，這個沒有「鮮茄」的「焗鮮茄牛脷飯」算不算違反商品條例？焗飯的白飯無炒底，只是加了幾粒炒蛋碎；牛脷有4塊，都夠腍。蕃茄汁中無任何配菜，你加幾粒雜豆都好吖，現在變得整碟飯好頹。它唯一的優點是白飯夠硬和乾身，啱我不愛吃軟飯的人。通粉最後來到，湯底是羅宋湯，今次有少許雜菜，本身是唔

同朋友行完山，想係附近搵野食休息下，近海塝個邊既餐廳都好多人，之後留意到呢間農場冰室，假日都有下午茶餐，價格大約$26-$46，就去試下.豬扒餐肉米粉豬扒醃味都幾重，肉質都幾腍，唔算厚但咬落都有質感，不過好在有切開豬扒上，食落方便，整體中規中矩

睇見鋪頭名好似同好多年前執左嘅農場餐廳有關，anyway我都係見到個價錢唔太貴所以試下嘅。叫左個下午茶焗豬扒飯配奶茶，見杯奶茶顏色就幾深，飲落茶味濃不過苦澀味都明顯，可能係茶底浸左好耐掛，味道尚可唔算好出色，無掛杯又無漿口感覺。至於個焗豬扒飯，份量就唔下午茶，睇落都幾飽肚。之不過個茄汁鮮色得好詭異，唔似係真蕃茄煮出黎，到底有幾多色素甚至有無蕃茄真係唔知。豬扒好少少，食得到少少黃薑味比較特別，同埋唔會好鞋口。或者其他嘢食可以試下，不過個焗豬扒飯不了。

趕住係堅尼地城做野就搵左間農場冰室試下，睇番食評先知原來有幾間分店，而老闆話推介海南雞飯就order 試下。送到來原來係一份擺靚靚既set, 有椰子雞湯，椰子味仲好看應該係老椰子加雞骨去煲，唔錯不過油左少少食雞個油飯都好重要，有油香軟糯又唔會吸太多水份到主角海南雞，雞夠味，夠滑，份量剛好我食得哂薑茸同個雞醬都唔錯，至於花生唔需要都可以總括而言，我覺得值得再番來試一下冰室環境都舒服,因為位置係單邊採光十足，加上有台流聲機播電台節目，最啱Lunch hour 11點 嘆住咖啡 曬日光 

又到月尾，小妹又變身窮小妹😭又系周圍揾平食的時候，是日去左西環海傍吹海風，去到傍晚有d肚餓，諗住系附近揾暗茶餐廳醫肚，行行下就見到呢間農場茶記喇晚市仲有常餐叫，唔錯見隔離臺叫大份常餐，大大份好似幾好食不過小妹今日想食肉，所以叫左知雜扒飯<農場雜扒飯$58>真系幾大份，有雞扒、煙肉、豬扒加隻太場蛋，咁多野食都系五十八蚊，真心抵蛋汁撈飯食一流，雞扒豬扒D肉唔會鞋，幾ok wor 推介👍<海南雞飯$68>友人無咁好彩，口左知海南雞飯中左伏油飯凍冰冰，飯粒擺得太耐已經變硬海南雞雞皮多過肉，肉質都叫嫩，但系無咩雞味成個set 介要貴十蚊，唔推介

喺堅尼地城收工，呢頭我唔太熟路，諗住跟埋同事喺附近求其食個茶記先返屋企，同事話附近有間冰室佢間唔中都有食下，於是就帶埋我去農場冰室醫肚。呢到係開放式廚房，所以要有心理準備難免會有少少油煙味。幾鐘意呢到嘅碗碗碟碟，有公雞圖案，懷舊得黎幾靚。⭐️常餐- 香煎豬扒公仔麵厚切豬扒煎得外層香脆，不過略嫌油咗少少，湯底係公仔麵味精湯。豬扒份量多，公仔麵煮得啱啱好，煙煙韌韌👍🏻- 配黑松露炒蛋&蒜蓉厚多士炒蛋炒得唔錯都幾滑，黑松露一般，香味唔夠，蒜蓉厚多士亦都唔夠蒜味，可能因為我鐘意食濃味野，我覺得呢到嘅食物淡左啲。⭐️瑞士浸牛脷雙蛋飯同事叫嘅飯，見個牛脷好厚切，我唔食牛脷所以冇試到🙈同事話味道ok。

香港普羅大眾嘅食肆應從大排檔、茶檔開始，轉至室內的冰室，再到茶餐廳飯店，至现在集團式連鎖茶餐㕔。保有冰室風味的餐㕔愈来愈少。今天走上西環堅尼地城就有一家。餐㕔布局是一個長形水吧兼open kitchen. 一眼见晒鐵板爐枱，焗爐，茶水部，...午餐叫了一个焗豬扒饭。這類舊式經營嘅餐厅一般老闆親自主理，賣的是實惠，吾撹花款。所以焗豬扒飯個汁主要是蕃茄，芝士吾算多，炒饭底。豬扒冇雪味，夠腍又滑，大大件。整體平均好吃，价钱合理！

今日同老公黎到堅尼地城食午餐，本來想試下新記車仔麵，但上星期食左文記，今日試下其他野啦！見到對面有間農場冰室就入左去，都幾多人食咁！我地揀左瑞士牛脷雙蛋飯同牛扒羅宋湯意粉，重點係免費轉紅豆冰👍🏻👍🏻👍🏻牛扒羅宋湯意粉個湯真係唔夠味，意粉係好粗個隻，認真麻麻地。瑞士牛脷雙蛋飯相對地正常，牛脷入味，不過不失咁。至於好期待嘅紅豆冰，實在無驚喜，老公仲話有苦味添！每人$50幾蚊實在唔應該係呢個質素，唉！

到新開不久的農場冰室吃下午茶，店內掛了多幅王家衞電影海報圖片。menu都是一般茶餐室貨式，試了幾款，生炸雞脾皮脆頗佳，瑞士雞脾和炸魚柳就不過不失，焗豬扒飯味道不錯，價錢和附近其他同類餐廳差不多。

成日同同事都講Kennedy Town無乜嘢新餐廳，食嚟食去都係嗰啲。今次就俾我地搵到呢一間農場冰室，無論裝修定餐牌，都有啲似90年代曾經成行成市嘅農場餐廳。啱啱裝修完，入到去仲見到個Bar枱有個花籃，成間鋪頭唔算太大，大概有十幾張枱。食品種類同普通茶餐廳比唔算太多，但係麻雀雖小五臟俱全，應該有嘅都會有。好似一般嘅茶餐廳咁，要試嘅當然就係佢哋嘅茶餐/常餐。香煎豬扒米線/自家製叉燒湯出前一丁   配    黑松露炒蛋跟蒜蓉厚多士 同餐飲 ($46)。豬扒整得幾入味，略兼鬆肉粉落得太多，搞到無乜質感。蒜蓉厚多士都夠味，上碟時都係又熱又脆嘅！黑松露炒蛋都唔會吝嗇，不過松露味可以再濃少少。