Domon 居酒屋 (淘大商場3期) (Closed)

朋友仔生日，大家都好耐冇食過日本嘢， 決定去呢間居酒屋試吓。喺門口等咗大約5分鐘都冇侍應幫忙帶位， 已經扣咗啲印象分。👆🏻雞蛋牛油果沙律 雞蛋同牛油果呢個組合唔錯，感覺清新，配搭少量蟹子，味道OK。👆🏻雞泡魚乾味道偏鹹，食落口感似魷魚絲多啲。👆🏻炸魷魚鬚味道都係偏鹹，炸粉厚咗啲，唔多脆身。👆🏻炸雞 侍應送上枱時10分熱，係新鮮炸起嘅，但唔算太juicy，味道不過不失。👆🏻炸吉列豬扒除咗炸粉唔夠脆，食到嗰種肉味感覺唔太新鮮，唔建議嗌呢個。成餐飯感覺麻麻地，除咗食物質素一般，侍應嘅服務都唔太好。餸菜上枱時，侍應要求我哋幫忙移開枱面上嘅碗碟係可以理解嘅，但係語氣態度就唔太禮貌呢，如果冇乜特別就唔會再幫襯了☹️。