Video
Read full review
2024-10-25
240 views
前排見人介紹得知年尾結業之後book 左嚟同朋友慶生要注意而家淨係收現金.當日6:30我哋就到法式小餐館嘅裝修 成個感覺好精緻好溫馨座位唔太多 坐得好舒服怖滿好多畫同照片同書籍相信都係老闆嘅珍藏坐低之後侍應就問我哋今日邊個生日講聲「生日快樂🥳」並且遞上餐單及熱辣辣烘過嘅腰果，粒粒都好飽滿每位$600 5courses 免加一 特別嘅items 再加錢先有每人一小條法包 前菜係烤芝士海鮮面層係燒焦嘅芝士再配有白汁同海鮮，印象有一舊蝦仁抑或小龍蝦好有鮮味，唔係平時嗰種冷藏貨爽口嘅口感，呢一小杯烤芝士海鮮食落一啲都唔漏，作為開胃菜的確有啲小驚喜呢😌之後就到湯嘅部份，我哋一個要咗龍蝦湯（+$50），另一個要咗凍奶油蠔湯，龍蝦湯比較普通正常發揮，平時喺香港好少接觸到凍湯，我覺得感覺有啲似日本拉麵嘅蠔湯，應該係因為凍嘅關係，所以個蠔味未至於好突出，係淡淡隱隱約約蠔味，仲有橄欖油嘅香味，第一次試都覺得幾特別🦪第三份前菜我哋要咗一個煎法國鴨肝（+$100）同自家製煙燻法國鵝肝凍（+$100）嚟到呢間法國鵝肝專門店當然要試吓佢哋整肝嘅手勢啦！🤭🤭.煎法國鴨肝外脆內軟！嗰種油脂感溶化喺口好食！再配埋無花果
得知年尾結業
之後book 左嚟同朋友慶生
要注意而家淨係收現金
.
當日6:30我哋就到
法式小餐館嘅裝修 成個感覺好精緻好溫馨
座位唔太多 坐得好舒服
怖滿好多畫同照片同書籍
相信都係老闆嘅珍藏
坐低之後侍應就問我哋今日邊個生日講聲「生日快樂🥳」並且遞上餐單及熱辣辣烘過嘅腰果，粒粒都好飽滿
每位$600 5courses 免加一 特別嘅items 再加錢
先有每人一小條法包 前菜係烤芝士海鮮
面層係燒焦嘅芝士再配有白汁同海鮮，印象有一舊蝦仁抑或小龍蝦好有鮮味，唔係平時嗰種冷藏貨爽口嘅口感，呢一小杯烤芝士海鮮食落一啲都唔漏，作為開胃菜的確有啲小驚喜呢😌
烤芝士海鮮
40 views
0 likes
0 comments
之後就到湯嘅部份，我哋一個要咗龍蝦湯（+$50），另一個要咗凍奶油蠔湯，龍蝦湯比較普通正常發揮，平時喺香港好少接觸到凍湯，我覺得感覺有啲似日本拉麵嘅蠔湯，應該係因為凍嘅關係，所以個蠔味未至於好突出，係淡淡隱隱約約蠔味，仲有橄欖油嘅香味，第一次試都覺得幾特別🦪
第三份前菜我哋要咗一個煎法國鴨肝（+$100）同自家製煙燻法國鵝肝凍（+$100）嚟到呢間法國鵝肝專門店當然要試吓佢哋整肝嘅手勢啦！🤭🤭
.
煎法國鴨肝外脆內軟！嗰種油脂感溶化喺口好食！再配埋無花果嘅清甜幫手解返嗰種油膩感
自家製煙燻法國鵝肝凍，呢個都好有驚喜，佢個煙熏味真係好香好香，佢last咗喺口入邊好耐⋯ 再要講一次好香，雖然叫鵝肝凍，但係一啲都冇嗰種「啫喱狀嘅凍」根本係一個雪凍嘅鵝肝醬，先試一啖就咁食鵝肝，第二啖再搭配埋麵包一齊食之後再加埋無花果一齊食幾款體驗都好好🤤🤤
自家製煙燻法國鵝肝凍
35 views
0 likes
0 comments
食咗呢幾個前菜其實都飽咗啲，但終於嚟到主菜原本我哋想叫本地野生海魚，但嗰日咁啱冇，嚟到法國餐廳除咗食油封鴨腿，當然要試埋另一個法國名菜紅酒燉牛面頰
.
紅酒燉牛面頰一上枱就見到佢個紅酒個顏色好濃厚，你見到以為佢個份量好似好細，但其實夾晒成五個course都好夠飽，牛面頰唔會燉到好腍，佢仲可以保持到好有口感咬口，
有一嚿梨同埋一堆青豆作伴碟，梨嘅味道酸酸地清甜意想不到原來咁夾！自問唔係青豆愛好者，但因為佢個汁實在太濃厚，同埋佢個青豆依然保持到爽脆，唔係淋到一Pat 咁俾你，同朋友仔居然一齊爭食青豆😂清碟成功🏅😂😂😂
紅酒燉牛面頰
10 views
0 likes
0 comments
另一位主角法國油漬鴨腿（+$100），我覺得佢好食過我喺法國食嘅😂😂😂 鴨腿外皮係酥脆嗰啲油脂形狀依然喺度入口即溶！呢個我有被驚艷左！呢種口感實在太好了🫢鴨腿嘅肉鹹咗少少，但配埋薯仔都好好食，基本上佢哋唔止主菜好食係連所有配菜都好好食！！大推！！
法國油漬鴨腿
29 views
0 likes
0 comments
之後終於到甜品，我哋要咗一個法式焦糖燉蛋同埋呢度獨有嘅鳥結雪糕（+$50）
鳥結雪糕用咗鳥結糖嘅概念去創作而成，佢入邊嘅琥珀合桃好好食好香，雪糕口感有啲似棉花糖，唔會好冰嗰種感覺，幾有趣🥳
Cream brûlée 最出色嘅位係嗰層糖真係好厚！！整體佢嘅甜品甜味亦都拿捏得好好唔會甜到你好漏，即刻諗返起去法國旅行時候食嘅甜品都真係一啲都唔會甜死！
兩個人埋單$1600，成餐飯大家都好滿意，食物質素好出色，食得好開心，服務亦都好好，知道我哋鍾意一齊分享嚟食又會俾啲碟我哋，希望大家都把握最後時光去食到呢一份嘅美味！🥹🥹🥹
Post
