FLIPPER'S (Closed)

時常經過希慎廣場IT 嗰層有間人氣班戟成日都好多人排隊，又覺得吾平，所以從未幫襯過。某日（平日）晚上行過見到竟然冇人排隊，少少猶豫後終於入咗去試吓。有方形餐枱，也有吧位。方形餐桌夠大，雖然四人枱但有隔板後兩人坐一邊都好濶落，幾舒適。呢度原來是自助購票，但有侍應送餐，冇加一，又幾好喎！先生去買完餐後我看看張單發覺比想像平，原來買All-Day Brunch 可以+12 有杯熱飲，+20 有杯凍飲，真係有d驚喜！😃半熟蛋三文治（$88）多士焊得香脆鬆軟，半熟蛋份量足，少少流心，還有沙律伴碟，性價比算高。士多啤梨藍莓香蕉班戟（$129）招牌班戟夠軟綿，但食落又唔會一陣風咁，有蛋香。三種不同水果和忌廉伴食，顏色鮮艷且滋味。如果藍莓和香蕉可以多番d就比較完美。芒果珍珠奶（+30）以為係珍珠奶茶加芒果味珍珠，原來是芒果奶+珍珠，擺咗烏龍😃大大杯，甜度適中，芒果味算濃，珍珠好有嘴嚼感，幾濃稠，所以飲完好夠飽。Cuppacinno (+12)十分抵飲。