有囍 (Closed)

始終香港食飯都係食廣東小菜最爽皮，今次就去左太子搵左間叫有囍~原來佢之前係大圍都幾出名, 之後就出左黎開分店~6個人入坐但一黎就叫左個4人餐, 因為睇MENU果陣都有D擔心太多野食XD結果係無擔心錯~ 4人餐6個餸, 但係碟碟都好似散叫咁樣咁大碟，好在無叫好多野咋……XD不過個4人餐質素好高, 碟碟都唔錯, 特別係一口牛同雲吞雞。本身一口牛比較難整, 一係唔入味, 一係過晒火, 但呢度就把握得幾好, 兩者都好平衡! 而個雲吞雞足料到我驚~ 個湯底已經好濃雞味, 加上佢成隻雞擺埋落去煮D雲吞, 瞬間變左雞湯精華版雲吞HAHA 呢個係一擺落檯就大家爭住清盤既一味餸~