茵亭

Open Now

Now Closed

環境服務衛生：會所好似剛剛裝修過，中餐廳比以前光猛，連枱布都白左好多。可能只有三枱，所以覺得好幽靜。而且服務超好，隨傳隨到，有問必答，要乜有乜。　雞蓉粟米羹：唔會太杰或太溜，感覺清清地，好健康。推介一。　蓮藕餅：全晚最好食既一味。熱辣辣，唔油膩，入面有蝦有馬蹄所以好爽口。大家一定要試。推介二。　豆豉雞：煲上，所以好夠熱。肉身都算嫩，不過咸左少少。　鳝糊：好唔掂。個汁好杰，成pat野，真係好似槳糊咁，味道太過廣東，好唔夾。鳝就太大舊，應該切細d。一個非常失敗既菜。　方利：居然有方利食。蒸得好靚，肉身好滑好嫩，個魚汁都教得好好。推介三。　涼拌青瓜：係我咁怕浪費先會食哂佢。因為落得太多醋，所以太過酸啦。青瓜都算爽口，不過又係切得太大塊。又一失敗菜式。　心太軟 + 自製雪糕：由西餐廳叫黎既。心夠熱又夠軟，正！自製雪糕由意大利廚師調製，雖然係黃色，但係佢係Vanilla味黎架，mmmm... yummy!!!　Order時不妨叫佢黎個double。 推介四。