Video
Read full review
2020-01-09
2260 views
由藝人黃美棋開嘅台式餐廳已經大半年，雖然我唔係佢Fans，但係都想試吓藝人開設價錢又貼地嘅餐廳。餐廳設計簡潔，座位排得較密，大概下午點半左右，客人唔多，好多座位，但單客多數係安排坐中間大枱。午巿套餐有飯同車仔麵選擇，食物有啲唔錯，有啲好一般口，份量正常，而服務就普通。鹽酥雞配肉燥飯，雞有啲乾，係預早炸定，微暖，唔脆，肉燥味道亦麻麻，雲耳幾辣。台式糖醋魚塊配白飯，魚肉幾厚幾大件，新鮮炸好，外脆內嫩，個汁酸甜度適中，配新鮮菠蘿，送飯一流，好味。台式糖醋豬扒配白飯，豬扒唔乾亦無醃得太勁，但無咩汁，配飯好乾。自選車仔麵：柱侯牛筋，柱侯牛腩，滷水雞翼，滷水豬大腸，准山麵配鮮熬豬骨湯。豬大腸，牛筋又軟滑又入味，牛腩偏肥啱晒我，雞翼都可以，可能揀嘅餸偏濃味，湯底唔使加汁都夠晒味，准山麵淋得嚟唔會散同漿住，全部都好唔錯。滋味加配$16：鹽酥豆腐，豆腐鞋，唔係滑嗰種。爆漿糖心蛋，差唔多全熟，無糖心，上面加啲漿，好求其。薏米水，好淡無甜味，太健康冬瓜茶。豆漿幾好飲。+$15珍珠奶茶亦唔錯。
鹽酥雞配肉燥飯，雞有啲乾，係預早炸定，微暖，唔脆，肉燥味道亦麻麻，雲耳幾辣。
台式糖醋魚塊配白飯，魚肉幾厚幾大件，新鮮炸好，外脆內嫩，個汁酸甜度適中，配新鮮菠蘿，送飯一流，好味。
台式糖醋豬扒配白飯，豬扒唔乾亦無醃得太勁，但無咩汁，配飯好乾。
自選車仔麵：柱侯牛筋，柱侯牛腩，滷水雞翼，滷水豬大腸，准山麵配鮮熬豬骨湯。豬大腸，牛筋又軟滑又入味，牛腩偏肥啱晒我，雞翼都可以，可能揀嘅餸偏濃味，湯底唔使加汁都夠晒味，准山麵淋得嚟唔會散同漿住，全部都好唔錯。
滋味加配$16：
鹽酥豆腐，豆腐鞋，唔係滑嗰種。
爆漿糖心蛋，差唔多全熟，無糖心，上面加啲漿，好求其。
薏米水，好淡無甜味，太健康
冬瓜茶。
豆漿幾好飲。
+$15珍珠奶茶亦唔錯。
Post
