Video
Read full review
2018-12-26
71 views
行完街，約左阿妹一家去慶祝聖誕節，阿妹揀左食泰國菜。入到餐廳真係以為自己用左多拉A夢既隨意門去左泰國，一入到去就見到一架Tuk Tuk 車，阿女同姨甥女立即跳上車玩，玩到食物到先捨得離開架車。店內既佈置，每一個角落都好有泰國風味，全部服務員都係泰國人，但個個都識廣東話，而服務員亦都好有泰國特色就係非常有禮貌仲好熱情，服務態度真係比足101分！五個人叫左兩set 唔同既餐，份量都好足。冬陰公湯，唔太辣偏酸，我覺得一般；無骨鳳爪，好味但可以再辣多少少；海南雞夠滑，唔點辣汁，小朋友都食得津津有味，美中不足就係雞件沒有去骨；炒雜菜唔會太油但味道偏淡；泰式併盤有春卷、墨魚餅同魚餅，每款都又脆又香，小朋友最喜歡；明爐烏頭就比較辣，啱我口味；至於青咖哩雞，好味！都辣辣地但好重椰汁味，好香！最後，有小甜品，係好清甜既椰青糕（似蛋菜糕）！一家人食左個好愉快既聖誕晚餐，小朋友有小朋友玩，大人有大人傾計，坐左大約兩小時有多，又沒有限時！
入到餐廳真係以為自己用左多拉A夢既隨意門去左泰國，一入到去就見到一架Tuk Tuk 車，阿女同姨甥女立即跳上車玩，玩到食物到先捨得離開架車。店內既佈置，每一個角落都好有泰國風味，全部服務員都係泰國人，但個個都識廣東話，而服務員亦都好有泰國特色就係非常有禮貌仲好熱情，服務態度真係比足101分！
五個人叫左兩set 唔同既餐，份量都好足。
冬陰公湯，唔太辣偏酸，我覺得一般；無骨鳳爪，好味但可以再辣多少少；海南雞夠滑，唔點辣汁，小朋友都食得津津有味，美中不足就係雞件沒有去骨；炒雜菜唔會太油但味道偏淡；泰式併盤有春卷、墨魚餅同魚餅，每款都又脆又香，小朋友最喜歡；明爐烏頭就比較辣，啱我口味；至於青咖哩雞，好味！都辣辣地但好重椰汁味，好香！最後，有小甜品，係好清甜既椰青糕（似蛋菜糕）！
一家人食左個好愉快既聖誕晚餐，小朋友有小朋友玩，大人有大人傾計，坐左大約兩小時有多，又沒有限時！
Post
