The Captain's House (Closed)

呢間餐廳出名海鮮，難得約到一行6人，咁梗係要試下啦~餐桌紙有餐廳嘅可愛龍蝦標誌，夠突出。前菜叫左芝士焗磨菇，一上枱有啲失望，以為係香濃芝士加大磨菇，點知係迷你菇無特色，芝士味又唔重，有啲失望。鵝肝扁意粉，味道還可以，意粉硬度適中，鵝肝煎得香口。帶子意大利麵，茄汁酸左少少，唔知係咪想大家開胃啲呢帶子味道偏淡。跟住係期待嘅主菜啦~一個藍色嘅袋裝住我地揀嘅海鮮，搖幾下，打開，以為香味會撲鼻而黎，點知無，味道唔特出。海鮮拼盤有蟹腳，青口，蜆，8爪魚仔同扇貝。蟹腳肉夠多，8爪魚仔夠彈牙，但整體黎講，個拼盤都係一般啫。食物一般，但價錢又唔算平，係有少少少失望嘅。