儂京川滬菜館 (Closed)

睇見到呢間酒樓的廣告，而老父又想食片皮鴨。於是就去試一試。係openrice見到食評一般，都有D猶疑好唔好去試。不過盡信人哋不如自己試吓，可惜一試之下．．．七時多上到酒樓，除了窗口位外，其他都冇人。除之讚佢環境清幽外，其實佢本身都唔多客。點了片皮鴨、雜菌鍋巴、炒通菜、鱔糊粗炒及小籠包。水準合格的有雜菌鍋巴，鱔糊粗炒及小籠包。至於那個片皮鴨，就被老父形容為最難食嘅片皮鴨。我們點了半隻鴨，鴨面乾癟、老身兼且細小。至於那個麵皮更是翻熱的！百多元半隻鴨，只片出一小碟鴨肉（鴨皮的比例頗少）。當中更有兩件是嚼不開要吐出來的！而那個炒通菜，本身味道不錯，但不知為何好像打了一個獻汁，有少少起糊狀的感覺。四個人吃了五道菜本身不太夠，但見小菜的水準有限，於是放棄繼續嘗試，轉戰甜品。幸好酒釀丸子及腰果露都煮出水準，前者桂花飄香後者亦很夠腰果香味，總算有可取之處。可惜埋單要六百多元，其實真係唔係好抵食。所以都係忍唔倒手，俾個喊面佢。