漁正居酒屋

Open Now

Now Closed

佐敦多美食，不過居酒屋就真係唔多覺眼，所以漁正啱啱開時已經想試。店面唔大，最特別係佢地有四組榻榻米座位，店內最入喺屋簷下面仲有壽司吧枱，滿滿日本風情。不過留意返，榻榻米座位因為有限，所以最好預早book。Menu選擇都幾多，小食、刺身、串燒、壽司、卷物、火鍋、一品料理都有，因為我地係經openrice訂枱，人頭清費滿$150，正價食品仲有全單八折。芥辣八爪魚($48) - 八爪魚份量對版，唔會蔥多八爪魚少，芥辣味突出但唔會太嗆鼻，幾開胃。炸墨魚咀($78) - 炸漿唔會太厚太硬，墨魚咀有咬口唔會太韌，食落唔會太油，椒鹽落得夠，鹹鹹香香幾惹味。燒芝士年糕($58) - 芝士年糕口感軟糯，加埋半融芝士，味道唔錯。特選花之魚生飯($168) - 漁正所有嘅米飯都係日本產，粒粒渾圓有彈性，上面放滿油甘魚同赤身，兩款魚生都幾大塊同厚切，上面仲有兩瓣海膽，鮮甜冇腥苦味，就咁撈埋豉油同wasabi食已經好味。