Video
Read full review
2023-07-30
1324 views
旺角呢個新商場開咗咁耐都未試過喺呢度食嘢，今日行過見到有間日式邊爐放題，一於嚟試試佢。入到嚟嘅環境都幾舒適，全部都係卡位/梳化位，啱晒人慢慢食慢慢傾。上網見到呢間嘢嘅特色，係可以自己整下啲甜品，除咗普通嘅雪糕之外，仲可以整吓格仔餅。不過我哋最後食得太飽，完全冇位置去俾我哋試吓自己嘅手勢，唯有下次先啦。我哋叫咗個澳洲和牛牛小排set，呢個set total會有六款牛，兩款豬一款雞一款羊，同埋七款海鮮俾你揀。除咗你個set包咗嘅嘢之外，出邊仲有好多菜呀丸呀係比你自己自助去拎嘅。一坐低，當然係每款牛都叫嚟試吓先啦。然後最好味嘅係呢個澳洲和牛牛小排，佢唔似你平時啲日本嘅和牛咁肥，但係食落個口感都比較滑身同軟身。另外一款就係呢個安格斯牛小排，佢個口感食落會實淨啲，但係牛味就會重好多。而另外佢呢度啲雞都幾好食，因為佢係醃咗嘅，食落去都好滑身。然後佢個豬肉都幾香，望落去好似好白好多肥膏，但係食落去係爽口嘅。海鮮方面我淨係揀咗其中三款，分別係大八爪魚，黑魚片同埋帶子。個大八爪魚切到一粒粒，變咗一口八爪魚，所以唔好淥太耐，啱啱好嘅話就好好味。湯底方便我哋一個叫咗壽喜燒一個係大蜆湯，佢啲蜆都好大隻好鮮甜，
入到嚟嘅環境都幾舒適，全部都係卡位/梳化位，啱晒人慢慢食慢慢傾。
上網見到呢間嘢嘅特色，係可以自己整下啲甜品，除咗普通嘅雪糕之外，仲可以整吓格仔餅。不過我哋最後食得太飽，完全冇位置去俾我哋試吓自己嘅手勢，唯有下次先啦。
我哋叫咗個澳洲和牛牛小排set，呢個set total會有六款牛，兩款豬一款雞一款羊，同埋七款海鮮俾你揀。除咗你個set包咗嘅嘢之外，出邊仲有好多菜呀丸呀係比你自己自助去拎嘅。一坐低，當然係每款牛都叫嚟試吓先啦。
然後最好味嘅係呢個澳洲和牛牛小排，佢唔似你平時啲日本嘅和牛咁肥，但係食落個口感都比較滑身同軟身。
另外一款就係呢個安格斯牛小排，佢個口感食落會實淨啲，但係牛味就會重好多。
而另外佢呢度啲雞都幾好食，因為佢係醃咗嘅，食落去都好滑身。然後佢個豬肉都幾香，望落去好似好白好多肥膏，但係食落去係爽口嘅。
海鮮方面我淨係揀咗其中三款，分別係大八爪魚，黑魚片同埋帶子。
個大八爪魚切到一粒粒，變咗一口八爪魚，所以唔好淥太耐，啱啱好嘅話就好好味。
湯底方便我哋一個叫咗壽喜燒一個係大蜆湯，佢啲蜆都好大隻好鮮甜，不過呢啲湯就有啲鹹，如果啲嘢食太吸味又淥的太耐就會超級鹹。
除咗呢啲打邊爐嘅食材之外，佢仲有幾款唔同嘅熟食係任食嘅，但係就主要都係炸物為主，略嫌佢啲炸物唔係好夠熱，如果熱啲嘅話就更加好啦。
因為佢個炸雞都幾唔錯，唔會話一大堆粉漿。
飲品方面，佢哋啲汽水係用汽水機，而其他飲品都係涼茶同埋自家製嘅冷泡茶為主，俾大家清熱氣。
Post
