Steak Bar (Moved) New Location

吉列牛扒喺日韓地區傳入香港都有段時間 但係一直都冇機會食 今日就嚟到中環呢間steak bar 係專食吉列牛扒嘅餐廳 午餐時間唔太多人 坐位比較狹窄 位置亦唔多 我叫咗個吉列牛扒餐 係即叫即炸 等大約五至十分鐘就上菜 牛扒外面係脆脆嘅吉列皮 入面係一至兩成熟嘅厚牛扒 有一塊熱石板畀你煎熟吉列牛扒生熟度自己控製 牛扒厚身 多肉汁唔靭 口感有層次 跟餐仲有沙律同埋一碗飯 飯上面仲有飯素 夠曬日式 味道好開胃 朋友就叫咗安格斯西冷牛扒 同樣係即叫即煎 塊扒成兩吋厚好誇張 五成熟肉質好靚 切開係粉紅色 冇血水 一啲都唔韌 冇乜根 而且肥瘦適中 牛味十足 跟餐同樣地有沙律同埋 白飯 不過就冇咗石板 冇咁好玩 味道同樣一流中環嚟講算係高質嘅扒房 而且好有噱頭 不過價錢屬於偏高 耐不耐食一次都係一個好選擇