Hard Rock Cafe (Closed)

當6個女仔帶住極度饑餓嘅身軀....叫咗勁多野食，首先係一人一杯野飲再叫咗set 珍寶套餐有洋蔥圈、春卷、雞翼、迷你焗薯等等..再叫咗3個Burger 而我哋無諗過Burger嘅size 都幾大，同埋薯條都好多吓佢哋嘅薯條好粗身，就算放得耐凍咗都唔會太難食。我哋仲叫咗個 Rockin Chicken Wings ，不過我覺得味道就麻麻哋，有少少辣同有啲濕笠笠。我哋仲有叫Fish and chips不過太餓無影到相，炸魚薯條嘅魚好好味！嚟到熱辣辣，魚好滑，不過炸粉就唔算好簿，但係可接受嘅程度最後呢度嘅裝修幾靚，以音樂為主題，我去嗰日嘅夜晚9:45仲有live band 睇添！唔錯！