BEATS

Open Now

Now Closed

餐廳地點:尖沙咀諾士佛台，地理位置方便食物：雖然屬於半酒吧形式，但其實都係一間餐廳，竟然係有晚餐食，有湯有嘢飲都係二幾百蚊，最緊要有歌聽頭盤：意式焗蟹餅配青芥茉蛋黃醬及黑魚子，不過不失，不過煎得非常香脆，送酒或者聽住歌食呢啲小食一流西班牙辣薯片欖油辣虎蝦，玩gimmick野，首先用過火燒左上面張紙，然後啲虎蝦就喺下面呈現出嚟，呢個擺盤同上菜都係心思嘢，作為客人嘅我都覺得非常之驚喜。是日餐湯，南瓜湯，飲得出係手打。用南瓜蓉壓碎而成，口感好豐富，慢煮西班牙燒春雞拼燒肉桂菠蘿，燒春雞非常之嫩畫配上酸酸甜甜嘅菠蘿，非常醒胃燒美國安格斯西冷牛扒配紅酒燒汁，牛扒煎得恰到好處，而另外紅酒燒汁亦都會將個主菜昇華咗個味道。雖然嘢食真係唔錯，但呢度嘅重點係可以聽駐場歌手唱歌，原來除咗駐場歌手之外，食客都可以一路玩vsing app一路上去表演唱歌，一邊可以俾心心，另外舞台設計同埋音響都非常之有心思，非常適合放工去鬆一鬆嘅酒吧餐廳。