Seek

Open Now

Now Closed

好耐冇寫過食評喇...今次寫主要係覺得要留住有心嘅小店🥹 真係希望大家支持吓！因為喺附近返工，老實講，科學園都食到口淡淡啦⋯⋯啲嘢又唔平、食物質素又有待改進...而呢間小店就係同事先介紹話咖啡好飲，去試咖啡先嘅～又真係有驚喜喎，需知道咖啡攤凍咗都好飲係件好難得嘅事。去咗幾次之後就發現原來有堂食！望落去堂食唔多人得幾枱客，都係附近居民，有老人家（好潮）又有外藉人士又有小朋友，心諗應該唔錯🤩 而且試業期間仲有九折即免加一。一坐低侍應就會斟室溫檸水（幾好），用QR code落單後，即叫即煮，感覺都冇等好耐就嚟咗😍 同同事都叫咗明太子海鮮意粉，意粉口感彈牙，醬汁好足，賣相唔錯，香氣撲鼻，口感...滿足。我本身就唔識分海鮮係咪新鮮定急凍，只有彈牙爽口好食同發霉冇口感難食。我推堂食咁緊係前者啦！🥰好味呀！齋啡一如以往水準發揮💓 埋單嗰陣忍唔住同型女barista(真係好型）讚下佢哋🥹 等佢哋都有信心繼續做落去！開心。