Video
Read full review
2023-11-28
11 views
呢間嘅午市omakase都幾抵食，前菜+沙律+11貫+手卷+湯+茶碗蒸+雪糕500蚊有找，lunch食呢個份量其實都好飽，而無論食材定係款式都幾新奇。前菜個牛肉煮得好淋幾入味，配埋睇落好似牛筋嘅蒟蒻，整個前菜口感就係好軟綿綿。我之所以話呢度款式比較新奇，係因為都有好幾款我係食過咁多次以黎第一次食，包括呢款配炒香烏魚子嘅真鯛壽司，之前食過整塊炭燒嘅烏魚子，估唔到切碎炒香再配壽司味道又幾甘醇，沒有一絲腥味，而且有特殊嘅鹹香，我好鍾意。我另外幾鍾意呢間店嘅地方就係d壽司味道取向偏濃郁，好中我嘅口味，例如第三件壽司已經出動到紫海膽，蒸熟咗包裹於墨魚下面，墨魚+海膽呢個經典配搭唔會有錯。間白魚就用咗橡木去烟熏處理，無論色香味都兼顧到，口感仲好飽滿。醬油漬赤身好入味，醬油帶出赤身的鮮甜，肉質堅實，軟中帶有嚼感，配一丁點的黃芥末味道又幾有層次。估唔到食咗海膽墨魚之後仲有獨立一道嘅赤海膽，好大份，質感細膩，幾乎入口即溶，擺盤都幾靚，值得打卡。另外必須提及拖羅筋，一般大家都覺得筋位係避開唔要，但呢度嘅師傅有自己辦法處理好，經過燒一燒，食落真係爆油同埋化開，第一次食，非常難忘，擺於最後一道壽司真係非常合適
我之所以話呢度款式比較新奇，係因為都有好幾款我係食過咁多次以黎第一次食，包括呢款配炒香烏魚子嘅真鯛壽司，之前食過整塊炭燒嘅烏魚子，估唔到切碎炒香再配壽司味道又幾甘醇，沒有一絲腥味，而且有特殊嘅鹹香，我好鍾意。
我另外幾鍾意呢間店嘅地方就係d壽司味道取向偏濃郁，好中我嘅口味，例如第三件壽司已經出動到紫海膽，蒸熟咗包裹於墨魚下面，墨魚+海膽呢個經典配搭唔會有錯。
間白魚就用咗橡木去烟熏處理，無論色香味都兼顧到，口感仲好飽滿。
醬油漬赤身好入味，醬油帶出赤身的鮮甜，肉質堅實，軟中帶有嚼感，配一丁點的黃芥末味道又幾有層次。
估唔到食咗海膽墨魚之後仲有獨立一道嘅赤海膽，好大份，質感細膩，幾乎入口即溶，擺盤都幾靚，值得打卡。
另外必須提及拖羅筋，一般大家都覺得筋位係避開唔要，但呢度嘅師傅有自己辦法處理好，經過燒一燒，食落真係爆油同埋化開，第一次食，非常難忘，擺於最後一道壽司真係非常合適。
一餐下來體驗好好，同行朋友都十分滿意，估唔到午餐omakase都咁有新鮮感同滿足感
Post
