Video
Read full review
2021-05-02
308 views
宜家好多香港既酒吧都有做埋食肆，而呢間位於大坑既Second Draft更係走港式fusion路線😎🤘 菜式既種類同配搭都非常有創意，以menu上既“臘味意大利飯”為例，呢個菜式combination真係第一次見，好特別😝 酒吧亦有賣多款本地手工啤酒，適合一班朋友一路吹水一路飲下酒食下小食🍺*,.▤‥‥‥‥‥‥‥‥‥‥𝓵𝓮𝓽'𝓼 𝓼𝓽𝓪𝓻𝓽‥‥‥‥‥‥‥‥‥‥▤,.*🍟 大坑薯條 ($78)呢個薯條算係呢間bar既招牌菜，幾乎每枱必嗌。薯條即叫即炸，上枱既時候新鮮熱辣🔥 炸既timing亦掌握得岩岩好，係完美既金黃色而且食落係外脆內軟既狀態。調味方面非常重口，孜然味濃郁，加埋高菜同乾椒等佐料，食落微辣又香口。自家製既蛋黃醬同樣出色，雞蛋味豐富而且醬入面撈左高菜提升酸度，稍稍中和一下濃味既薯條。呢個薯條非常適合做佐酒小食，強烈建議嗌一大杯啤酒一路飲一路食😋 🐔 啫啫雞翼煲 ($88)同樣都係非常重口味既一款小食(如果平時鍾意清淡既朋友唔建議同時嗌薯條同呢個雞翼煲😶)。雞翼肉質嫩滑，外皮微微焦香，醬汁用上自家製水牛醬，味道香辣惹味，特別之處係醬汁撈左blue cheese🧀 陣芝士味冇顯得
賽螃蟹麵
$298
29 views
0 likes
0 comments
*,.▤‥‥‥‥‥‥‥‥‥‥𝓵𝓮𝓽'𝓼 𝓼𝓽𝓪𝓻𝓽‥‥‥‥‥‥‥‥‥‥▤,.*
🍟 大坑薯條 ($78)
呢個薯條算係呢間bar既招牌菜，幾乎每枱必嗌。薯條即叫即炸，上枱既時候新鮮熱辣🔥 炸既timing亦掌握得岩岩好，係完美既金黃色而且食落係外脆內軟既狀態。調味方面非常重口，孜然味濃郁，加埋高菜同乾椒等佐料，食落微辣又香口。自家製既蛋黃醬同樣出色，雞蛋味豐富而且醬入面撈左高菜提升酸度，稍稍中和一下濃味既薯條。呢個薯條非常適合做佐酒小食，強烈建議嗌一大杯啤酒一路飲一路食😋
🐔 啫啫雞翼煲 ($88)
同樣都係非常重口味既一款小食(如果平時鍾意清淡既朋友唔建議同時嗌薯條同呢個雞翼煲😶)。雞翼肉質嫩滑，外皮微微焦香，醬汁用上自家製水牛醬，味道香辣惹味，特別之處係醬汁撈左blue cheese🧀 陣芝士味冇顯得好突兀之餘仲令成個味道combination變得更有趣更複雜😆 煲入面仲落左啲芹菜，為濃烈既味道增加少少清爽既感覺
🦀 賽螃蟹麵 ($298)
呢個麵有少少好似“中式pasta”既感覺，以賽螃蟹為sauce，粗身既上海麵為麵底，好特別😂 平時既賽螃蟹會用蛋白去營造出蟹肉既口感，但呢個麵居然用到真正既手拆花蟹，蟹肉都幾新鮮，但美中不足係食到有少少蟹殼😅 有別於上面濃味既小食，呢個麵用左蛋黃、青瓜絲、姜絲同牛油醬呢啲唔算重口味既配料，比較能夠食到每樣食材既原味，再撈埋鎮江香醋一齊食，整體鮮味更加提升😙
整體黎講我覺得食物質素同配搭幾有驚喜，fusion得黎味道又夾又好味👍 以酒吧類既餐廳黎講，呢間啲食物算係我暫時喺香港食過數一數二高質既，絕對值得一試😋
✍️ 𝓞𝓿𝓮𝓻𝓪𝓵𝓵 𝓻𝓪𝓽𝓲𝓷𝓰𝓼 ✍️
ᴛᴀsᴛᴇ ⇢ 𝟾.𝟻/𝟷𝟶
ᴅᴇ́ᴄᴏʀ ⇢ 𝟽/𝟷𝟶
sᴇʀᴠɪᴄᴇ ⇢ 𝟽/𝟷𝟶
ʜʏɢɪᴇɴᴇ ⇢ 𝟾/𝟷𝟶
ᴠᴀʟᴜᴇ ғᴏʀ $$ ⇢ 𝟽/𝟷𝟶
*,.▤‥‥‥‥‥‥‥‥‥‥‥‥‥‥‥‥‥‥‥‥‥‥‥‥‥‥‥▤,.*
📍 大坑銅鑼灣道98號地舖
#非專業食評
#食評只反映當日食物質素
Post
