拳王泰國餐廳 (Closed)

好兄弟去o左外地公幹幾個月, 終於番黎香港。無見甘耐, 當然要吃好o野。我地兩兄弟都鍾意食比較濃味o既菜式, 所以揀o左銅鑼灣拳王泰國菜試。好懷念兩兄弟一齊學泰拳o既日子, 上網見依間食評唔錯, 環境裝修有心思。當晚雖然係平日, 不過都幾full。餐廳裝修係幾特別有特式, 配合番「拳王」主題。依個紅咖哩菠蘿雜錦海鮮好正! 用菠蘿殼做器皿, 幾特別, 賣相幾盞鬼。紅咖哩椰奶味重, 海鮮份量多手, 有帶子, 青口, 魷魚等等食材都新鮮好味!!我地仲叫o左份蒜蓉包, 點紅咖哩食。蒜蓉包比想像中大塊, 好香脆同蒜味都重, 配埋咖哩味道一流!!至於泰式游水生蝦刺身, 係次次食泰國o野都係必叫o既, 生蝦大隻新鮮, 無雪藏味, 配埋泰式醬汁, 味道酸甜微辣, 很開胃!今晚同好兄弟搵到間o甘特別o既泰國菜餐廳聚舊, 確實唔錯, 下次會再約三五知己再來。