鮮魚湯 (美樂花園商場) (Closed)

咁兩個人放咗工喺屯門唔知食咩好，兜下兜下見到依間鮮魚湯有小菜可以叫餸食飯，好似啲魚又幾吸引，就入去試吓。一入到去覺得環境都幾大坐得幾舒服，睇完Menu見到好多選擇，最後決定叫幾個餸兩個人分。口水雞，辣度啱啱好，跟飯一齊食真係好正，麻麻地甜甜地，每食完一舊都好想再食，啲雞又夠嫩，又夠滑，真係好正。個汁撈飯簡直一流！煎盲曹，真係即叫即煎，一嚟到好香好脆，重點係好大條，真係好正！一食就知唔係冰鮮魚，好鮮甜，真係一流！麻辣鴛鴦牛，好彩唔係太辣如果唔係都唔知點算好！入邊有肥牛，肉片，份量都唔少，仲要有菜，加埋少少麻辣味，真係好開胃好好味。鮮魚湯，真係好鮮好甜，好明顯係真係落足心機用鮮魚去煲！一啲味精味都冇，好好飲好想飲多幾碗。跟餐叫咗杯凍檸茶走甜同埋杯可樂。整體來講都算唔錯，下次都一定會再嚟。