媽咪雞蛋仔 (Moved) New Location

呢間雞蛋仔都已經出名左一排, 今晚行行下先發覺旺角有間分店, 口痕一於買包黎試下, 門口好多人等緊, 不過有心試唔怕等. 今次先試原味雞蛋仔($15), 比起其他既價錢都差不多.買完都差不多等十幾個, 所以等左幾個字, 好彩條街唔算多人流, 如果唔係唔知企響邊度等.終於叫我, 一上手熱辣辣呢...果然係即整, 聞落好香. 一入口面頭好脆, 好香蛋漿既味道, 不過我嚴個餡唔夠滿, 如果倒多少少蛋漿個口感會實在D. 呢間比起其他小食店用心得多, 起碼餅餅雞蛋仔都係即整, 唔會好似其他咁整定番熱.