Proton

Open Now

Now Closed

除咗又新街，元朗嘅教育路都有好多新餐廳等緊我哋去試。今次我就去咗Proton，一睇見佢嘅環境就覺得好舒適，仲望到Menu有個甲羅燒手工意粉真係吸引到我。<日式甲羅燒、虎蝦、蟹棒手工意大利粉>首先當然要介紹今次期待的主菜，甲羅燒真係好有驚喜，因為燒過的關係，蟹味極濃。虎蝦都彈牙，煎得唔錯，而手工意粉有幾特別的Texture。<香煎鵝肝、安格斯牛肉漢堡包薯條>佢哋嘅漢堡Burger厚實得黎，肉質味道一流，仲保持咗肉汁，一切開就知道好Juicy。配上鵝肝就更加邪惡，再加埋生洋蔥、生菜同番茄，令到整個味道更加Balance，仲提升咗味道嘅複雜性。另外對推介大家要加錢叫升級套餐優惠，裏面包括頭盤、飲品同埋甜品，尤其頭盤都幾出色，今次就試左風乾火腿哈密瓜田園沙律哈蜜瓜清甜，Parma ham嘅質素都唔錯，份量又足夠，真係一個幾抵食嘅dinner set選擇。飲品方面柚子同菠蘿嘅配搭，再加埋Soda，真係一個好refreshing嘅組合。最後甜品方面，藍莓芝士蛋糕一切開就知道佢落足料，味道都唔錯，而且唔會太甜。