柴門西餐廳

Open Now

Now Closed

今日約左一個好耐冇見的朋友食lunch ，佢話自己屋企附近開左間好似環境幾好的西餐廳，所以就去試下。餐廳環境氣氛都唔錯，雖然唔算真係好fine個種fine dining，但因為柴灣比較少呢種餐廳，所以都ok。同一般餐廳唔同的係老闆係俾一個叫蝶豆花水的水我地，而唔係平時的普通水。（雖然飲落都係水味）我同朋友叫左牛扒同羊扒的lunch set。前菜都算幾有心機煮，個麵包係用乾蕃茄製成，送上嚟時微溫，外脆內軟。個堆菜就冇咩特別。羊扒只係簡單用黑椒鹽醃，燒汁濃郁，帶少少酒味，羊唔算羶，羊味都唔算濃，肉偏鞋，有渣，但脂肪部位重油香，表面煎得可口。牛扒同樣用簡單黑椒鹽醃，整體脂肪布佈均衡，油脂既味道亦煎得揮發出黎，每啖都充滿牛味，牛扒中心剛好五分熟，表面可口，而𥚃面軟熟。