牧羊少年咖啡館 (香港單車館)

Open Now

Now Closed

牧羊少年翻新後第一次嚟食，水準一樣高，環境好舒服。仲可以升級做套餐，有埋前菜同甜品。我叫咗個法式油封鴨腿伴牛油紅酒汁伴薯蓉，鴨肉煮得好好，鴨肉好嫰，而且好入味。而薯蓉更加值得讚賞，薯蓉磨得好細，好幼滑，而且入面加咗唔同嘅材料同調味，配埋鴨腿食好好味。另外亦都叫咗個咖啡羊架，羊架嘅肉質好有口感，而且表面加咗脆粒，口感好豐富。而且羊肉味濃得嚟唔羶，配埋醬汁食味道好好。呢個前菜係是拉差醬雞翼，雞翼炸得好香脆，唔係用一般炸粉或者就咁炸，而係落咗脆片去炸，所以口感比一般嘅炸雞翼更加豐富。而且呢個炸法，將雞翼嘅肉汁鎖實晒，一啖咬落去，啲肉汁爆晒出嚟，喺咁凍嘅天氣食好正。魚湯輕炒西蘭花好新鮮，而魚湯嘅味道亦都好鮮甜，加埋一齊好好食。不過魚湯份量就比較多，西蘭花浸耐咗可能會腍少少，如果要食就要盡快食。為咗應節叫咗呢個香蕉百香果慕斯聖誕鐘，甜品嘅外貌好靚，而且味道都唔錯，入面嘅味道好豐富，甜同酸嘅味道平衡得好好。溫煮桂花黑糖茶嘅桂花味好重，好清香，而且雖然有黑糖味，但唔會太甜。竹炭牛奶芝麻味都幾濃，配埋熱鮮奶好暖胃。