Video
Read full review
2024-10-07
65 views
今日嚟到中環新開嘅精釀啤酒舖，真係有驚喜！呢個新牌子嘅啤酒整體都幾易入口。首先要推介嘅係Peach Wheat，味道有啲似Hoegaarden，清甜爽口，帶有陣陣蜜桃香，唔會太甜，桃味亦唔會太假太突出，好自然！鍾意果味啤酒嘅朋友一定要試吓！另外，朋友大讚嘅CADET GOLDEN ALE都值得一試。麥味適中，唔會苦澀，飲完之後仲有少少回甘，係一款易入口又令人回味嘅啤酒。除咗呢兩款，仲有CHOCOLATE IMPERIAL STOUT、JASMINE WIT、GOLDEN DAWN SESSION IPA等等，選擇都幾多！值得一提嘅係，佢哋嘅手工啤酒都無經過濾，保留咗活性酵母，品質同Draft Craft Beer一樣咁高，新鮮程度真係一流！而家仲有啤酒優惠，一次過買6罐或者24罐會有額外折扣，想試多幾款唔同口味嘅朋友，千祈唔好錯過！最後，試埋佢哋嘅Hop Soda氣泡水，口感清爽，帶有淡淡嘅啤酒花香氣，又唔會太甜，啱晒想飲啲嘢解渴嘅時候飲。飲酒又點可以冇送走小食呢，可以叫返份香腸拼盤同埋混合堅果🥜夠晒有咬口總括嚟講，呢間新開嘅精釀啤酒舖真係好值得推介，無論係手工啤酒定係Hop Soda
今日嚟到中環新開嘅精釀啤酒舖，真係有驚喜！呢個新牌子嘅啤酒整體都幾易入口。
首先要推介嘅係Peach Wheat，味道有啲似Hoegaarden，清甜爽口，帶有陣陣蜜桃香，唔會太甜，桃味亦唔會太假太突出，好自然！鍾意果味啤酒嘅朋友一定要試吓！
另外，朋友大讚嘅CADET GOLDEN ALE都值得一試。麥味適中，唔會苦澀，飲完之後仲有少少回甘，係一款易入口又令人回味嘅啤酒。
除咗呢兩款，仲有CHOCOLATE IMPERIAL STOUT、JASMINE WIT、GOLDEN DAWN SESSION IPA等等，選擇都幾多！值得一提嘅係，佢哋嘅手工啤酒都無經過濾，保留咗活性酵母，品質同Draft Craft Beer一樣咁高，新鮮程度真係一流！
而家仲有啤酒優惠，一次過買6罐或者24罐會有額外折扣，想試多幾款唔同口味嘅朋友，千祈唔好錯過！
最後，試埋佢哋嘅Hop Soda氣泡水，口感清爽，帶有淡淡嘅啤酒花香氣，又唔會太甜，啱晒想飲啲嘢解渴嘅時候飲。飲酒又點可以冇送走小食呢，可以叫返份香腸拼盤同埋混合堅果🥜夠晒有咬口
總括嚟講，呢間新開嘅精釀啤酒舖真係好值得推介，無論係手工啤酒定係Hop Soda都做得好好，大家有時間不妨去試吓！
Post
