菊月町

Open Now

Now Closed

估唔到牛頭角都有高質Omakase食。呢間「菊月町」之前已經知道有鐵板燒又有壽司。於是乎就Book咗今晚去試吓正唔正。放工去到7:00pm已經有兩枱客，店面都算大，估計應付午市寫字樓客。夜晚主要有鐵板燒同埋Omakase ，唔鍾意都仲有散叫食物，都算全面。今晚食嘅「焰月」主要係Omakase為主，冇鐵板燒食，但總共都有20品料理。坐低先奉上茶同小食。有支豆、鱈魚亁、螢光魷魚乾。師傅就先準備材料。水雲配長芋、迷你蟹、蕃茄沙律刺身]柚子酸汁華蓮蠔鮫鰈二食 (刺身配肝醬、火炙魚腩)螢光魷魚二食 (刺身、天婦羅)香葱池魚蓉煙燻拖羅[壽司]深海池魚金目鯛北寄貝鰈魚白海膽吞拿魚油拖羅蓉手卷自家魚湯[甜品]厚燒玉子、抹茶蕨餅、蜜瓜最有記憶點係個煙燻拖羅，將大拖羅用醬油漬、再煙熏，之後用火槍燒，夾埋中拖羅，用紫蘇、沙甸魚乾薄脆、紫菜包買一齊食。味道複雜，大有濃濃嘅煙熏味，之後又有大拖羅油香。紫蘇又減低左油膩咁，魚亁同埋紫菜又有質感上一對比。另外值得一提嘅係個拖羅蓉手卷，師傅用醬油、蔥花、Wasabi等調味再加入火炙魚油。油香十足。