徐記廚房點心 (Closed)

徐記點心搬鋪之後一直都未有時間去食，咁啱行過太子，就入去食啦！都叫咗唔少嘢食，但因為點心都係即叫即做，所以都要等少少時間。香芒糯米卷：糯米皮包住香濃嘅芒果醬同芒果粒，味道好正，係糯米皮較淋身。炸鯪魚球：鯪魚球都好彈牙，出面都炸得酥脆，但係唔鍾意食芫茜嘅可能就唔想要了。鮮蝦腐皮卷：腐皮脆，入面有好多蝦，蝦爽口彈牙。蟹子燒賣皇：入面係滿滿嘅蝦肉同豬肉！彈牙，足料！好食！鳳爪排骨飯：排骨嘅量都好多，下面嘅飯都飽滿彈牙。整體嚟講都唔錯，徐媽媽仲會同啲客傾計，食得好開心！