燈籠滷味 (新都會廣場)

Open Now

Now Closed

原本諗住同朋友去食壽司郎, 但係因為我OT, 朋友張票就過左半個鐘入唔到去啦,所以我地轉場過左隔離既燈籠滷味食台灣, 佢都要等位, 不過等五分鐘左右就入得了入面既裝修係有D似台灣既夜市, 令人有種感覺係去左台灣咁, 幾有特色奶油芋泥, 肉鬆, 起司蛋餅-$56我地都好鐘意食蛋餅的, 呢度既強餅切到一舊舊咁, 幾方便食, 上面有少少大板燒既汁, 幾惹味同新鮮既配搭, 而入面既奶油芋泥, 肉鬆比例岩岩好, 再加埋起司既邪惡參與, 大滿足招牌燈籠滷味-$56其實幾似我地食開既車仔麵, 但係台式咁, 我地叫左牛肋腩, 腎, 大腸, 滷到都變晒色, 所以好入味下, 口感同味道都唔錯, 我地再叫埋最索汁既冬粉去索咁好味既汁, 我覺得D個組合係一絕排骨滷肉飯-$75台式便當我最鐘意就係食佢既排骨飯, D個排骨滷肉飯就完全滿足到我啦, 排骨炸得好香脆, 但仲保持到D肉汁, 再配埋個珍珠米去食, 真係有回到台灣的感覺黑糖珍珠奶茶-$28食台灣野又點可以唔叫珍奶? 我地叫左少甜, 味道岩岩好!總結D個台灣野幾好味, 而且幾有特色, 幾有古早味, 令到我心思思想去食下一次。