Tapas Brew (Greenfield Plaza) (Moved) New Location

用app有折所以點左幾款試試佢餐廳服務員服務唔錯，會介紹一下菜單，亦都積極處理客人嘅要求。西班牙炒飯係吸引我黎食呢間餐廳既原因但結果令我有啲失望。海鮮料唔夠新鮮，蝦質地有啲林。飯嘅份量亦都唔多，調味似乎未夠正宗。橄欖油蒜蓉蝦非常香口，但有啲油膩，整體水準唔錯。最後點左份德國鹹豬手，酸菜正宗，亦有薯仔沙律作配菜，份量十足。豬手皮脆，肉質亦彈牙，值得一試。另外點了兩杯啤酒🍻做緊特價最後三菜加兩杯啤酒埋單每人二百幾，算不錯合理的價錢，但如果無折要按原價計算就有點偏貴了。