真材實料 (Closed)

原本特登渣車去天后發記小廚，但門口勁多車及上次啲餸勁多油，決定放棄，去咗附近既”真材實料”食中菜。裏面有六成檯都滿，星期二算爆啦，好好彩都有張卡位坐。今次點咗三餸兩飯，]霸王雞（例牌）- 果然有啲料到，霸王雞豉油雞，肉質嫰滑，點埋薑蓉食簡直一流，例牌份量啱晒兩口子食。滑蛋蝦仁- 蛋炒得滑，有蛋香味，配上大大隻既蝦，令人再三回味。紅燒豆腐- 豆腐新鮮，味道不錯。環境就一般，免茶芥及加一，不過預咗嫁啦！白飯2個埋計$156。