Video
Read full review
2017-10-22
200 views
對上次來呢一度食嘢嘅時候已經差唔多係一年之前，同朋友慶祝生日。今次再嚟都見到個餐牌嘅食物 好似唔同咗好多，有換到餐牌。前菜盛合，最啱就係等朋友來嘅時候叫。入邊有唔同嘅前菜，我比較鍾意就係嗰粒蒜蓉，經過醃製，咬落去有醬油香，唔會辣，反而有嚼口。明太子芝士椰菜燒餅，其實我一向對明太子冇乜好感，都唔明白點解啲人咁鍾意食，我覺得佢嘅未比較腥，但係佢咁樣整咗出嚟反而有啲似生蠔味道，令我非常之易去接受，不錯。清酒煮宮城蠔， 另外一個令我喜出望外嘅餸。我初頭以為煮出來會係一隻非常之細隻嘅蠔，會係一個湯鍋入邊。但係估唔到原來佢係用鐵鍋，經過現場即煮。而且每一隻好大，好厚肉，入邊非常之新鮮。對上次來我食呢隻好嘅時候係食刺身嘅，今次用清酒再煮一煮味道都好好，仲有暖胃嘅感覺，如果啲湯唔係咁多殼嘅話，飲埋個湯會仲正。珍寶天婦羅海老，好大隻嘅一隻蝦，咬落去嘅口感亦都非常之爽口，外面略膽，奢侈嘅選擇。到咗甜品就叫咗個富士雪山布甸，唔知幾時開始我就鍾意左食布甸。呢度嘅布甸亦都十分之香滑，重蛋味，甜度適中，最好嘅就係上面嘅糖脆係即場整，有埋視覺享受。上一次食嗰陣時候覺得平平淡淡，但係今次食反而有喜出望外嘅感覺，kee
前菜盛合，最啱就係等朋友來嘅時候叫。入邊有唔同嘅前菜，我比較鍾意就係嗰粒蒜蓉，經過醃製，咬落去有醬油香，唔會辣，反而有嚼口。
明太子芝士椰菜燒餅，其實我一向對明太子冇乜好感，都唔明白點解啲人咁鍾意食，我覺得佢嘅未比較腥，但係佢咁樣整咗出嚟反而有啲似生蠔味道，令我非常之易去接受，不錯。
清酒煮宮城蠔， 另外一個令我喜出望外嘅餸。我初頭以為煮出來會係一隻非常之細隻嘅蠔，會係一個湯鍋入邊。但係估唔到原來佢係用鐵鍋，經過現場即煮。而且每一隻好大，好厚肉，入邊非常之新鮮。
對上次來我食呢隻好嘅時候係食刺身嘅，今次用清酒再煮一煮味道都好好，仲有暖胃嘅感覺，如果啲湯唔係咁多殼嘅話，飲埋個湯會仲正。
珍寶天婦羅海老，好大隻嘅一隻蝦，咬落去嘅口感亦都非常之爽口，外面略膽，奢侈嘅選擇。
到咗甜品就叫咗個富士雪山布甸，唔知幾時開始我就鍾意左食布甸。呢度嘅布甸亦都十分之香滑，重蛋味，甜度適中，最好嘅就係上面嘅糖脆係即場整，有埋視覺享受。
上一次食嗰陣時候覺得平平淡淡，但係今次食反而有喜出望外嘅感覺，keep 住有更換餐單，好有心。
Post
