Video
Read full review
2021-11-19
167 views
不知不覺上址已經轉左新餐廳，感覺同之前差不多？都係西日餐廳，見佢寫住試業中就試下先。原來叫和洋食屋，同事叫佢做洋屋和食，哈哈，其實係叫Hidden先啱呀～裝修好似都無乜變，冷氣夠又唔算太迫，如果坐到卡位仲好舒服添，我就下午茶時段黎所以唔多人，不過都係最後一張卡位啦。店內用Qr code落單，餐牌好多野揀，主食都輕食都多款式，飲品都唔少。先來杯凍咖啡，啡味香濃奶多很滑，雖然無叫走甜但都自動走左甜，又幾好飲喎，靚咖啡果然係唔使加糖嘅👍叫左午餐定食嘅唐揚炸雞烏冬，賣相幾靚仔。炸雞即叫即炸熱辣辣，啖啖肉好正，最緊要點埋個蛋黃醬，哈哈。碗烏冬有半隻溏心蛋，魚片，海帶同蔥做配料。湯底係醬油湯，好清澈無油㗎。烏冬係扁身的，很彈牙，唔錯唔錯。定食附上的涼菜，紅紅綠綠幾好睇。仲有個麵豉湯㗎，好熱好飲喎。六十幾蚊個定食都幾抵吖，小店好好加油💪
原來叫和洋食屋，同事叫佢做洋屋和食，哈哈，其實係叫Hidden先啱呀～
裝修好似都無乜變，冷氣夠又唔算太迫，如果坐到卡位仲好舒服添，我就下午茶時段黎所以唔多人，不過都係最後一張卡位啦。
店內用Qr code落單，餐牌好多野揀，主食都輕食都多款式，飲品都唔少。
先來杯凍咖啡，啡味香濃奶多很滑，雖然無叫走甜但都自動走左甜，又幾好飲喎，靚咖啡果然係唔使加糖嘅👍
叫左午餐定食嘅唐揚炸雞烏冬，賣相幾靚仔。
炸雞即叫即炸熱辣辣，啖啖肉好正，最緊要點埋個蛋黃醬，哈哈。
碗烏冬有半隻溏心蛋，魚片，海帶同蔥做配料。
湯底係醬油湯，好清澈無油㗎。
烏冬係扁身的，很彈牙，唔錯唔錯。
定食附上的涼菜，紅紅綠綠幾好睇。
仲有個麵豉湯㗎，好熱好飲喎。六十幾蚊個定食都幾抵吖，小店好好加油💪
Post
