Video
Read full review
2024-08-24
423 views
今日一早要去啟德辦事，所以為咗就腳揀咗Airside入面唯一一間茶餐廳。環境正常，水要自己行出去斟，QR code自己落單，都係而家最興嗰種全自助嘅方式。平日嘅人唔多，隔離M仔更旺~茶餐廳早餐都係嗰d，第一次嚟就叫最安全嘅沙牛麵話咁快個早餐就上枱啦~杯鴦澀味比較重，唔建議少奶。丹麥多士同火腿正常。隻炒滑蛋就落奶炒嘅，食落個面都好似濕濕哋，但其實個心已經熟曬。更重要嘅係隻蛋薄到... 感覺師傅倒蛋漿落爐個殼應該同一人邊爐嗰個殼差唔多到咗全餐最緊要嘅主角，沙牛麵都正正常常嘅。個麵可以加錢轉一丁/辛辣麵。唔轉嘅話個麵食落唔似公仔/大光。食咗兩啖幫d牛肉轉身，發現最大嗰塊係咁嘅可能係我咁啱唔好彩，佢畀咗煲底痴底嘅肉我啦... 其他牛肉係正常嘅，沙嗲味有d淡，亦當然係冇肉味😆 各位去食嘅時候就祝你哋好運啦~今次有事做就喺Airside呢邊食早餐，如果有時間嘅話，過一街之隔嘅新蒲崗會有好多更架正嘅茶記囉~
茶餐廳早餐都係嗰d，第一次嚟就叫最安全嘅沙牛麵
話咁快個早餐就上枱啦~
沙牛早餐
165 views
0 likes
0 comments
杯鴦澀味比較重，唔建議少奶。丹麥多士同火腿正常。隻炒滑蛋就落奶炒嘅，食落個面都好似濕濕哋，但其實個心已經熟曬。更重要嘅係隻蛋薄到... 感覺師傅倒蛋漿落爐個殼應該同一人邊爐嗰個殼差唔多
到咗全餐最緊要嘅主角，沙牛麵都正正常常嘅。個麵可以加錢轉一丁/辛辣麵。唔轉嘅話個麵食落唔似公仔/大光。
食咗兩啖幫d牛肉轉身，發現最大嗰塊係咁嘅
沙嗲牛肉
70 views
0 likes
0 comments
可能係我咁啱唔好彩，佢畀咗煲底痴底嘅肉我啦... 其他牛肉係正常嘅，沙嗲味有d淡，亦當然係冇肉味😆 各位去食嘅時候就祝你哋好運啦~
今次有事做就喺Airside呢邊食早餐，如果有時間嘅話，過一街之隔嘅新蒲崗會有好多更架正嘅茶記囉~
Post
