Video
Read full review
2022-09-23
1521 views
Bookmark入面收藏咗幾間心水扒房，因為太遲book嘅關係，有啲已經full咗🤦🏻♀️，今次揀咗wooloomooloo。之前係尖沙咀食飯見過佢，佢有分 wooloomooloo steakhouse 同 wooloomooloo prime。今次就去Prime ，地點係THE ONE 頂樓，有景有氣氛，節日同生日慶祝都適合👍🏻後來睇返餐廳網頁，原來灣仔店同樣係大廈頂樓，相信環境都唔錯。French Fries ($90)除咗茄汁，仲會配辣蛋黃醬。薯條係肥薯條，炸到外脆內軟👍🏻不過份量好多😂最後食唔哂。Caesar Salad ($158)味道唔錯，生菜新鮮。脆煙肉係一片片，唔係一粒粒；而脆麵包係薄薄嘅麵包片，唔會好硬。份量2個人 share 剛剛好Filet Mignon (180g) ($500)五成熟，件扒好淋，醬汁有牛油蛋黃醬、胡椒汁、蘑菇汁同紅酒汁揀。我揀咗蘑菇汁，醬汁係分開上。用嚟點薯條都好味😆當上完牛扒，職員會隨即拎芥辣盤。Rib Eye (340g) ($650)同樣五成熟，肉味比Mignon濃，亦相對有咬口。我個人都係偏好 Mignon 多啲🫢Baked chee
今次就去Prime ，地點係THE ONE 頂樓，有景有氣氛，節日同生日慶祝都適合👍🏻
後來睇返餐廳網頁，原來灣仔店同樣係大廈頂樓，相信環境都唔錯。
French Fries ($90)
除咗茄汁，仲會配辣蛋黃醬。薯條係肥薯條，炸到外脆內軟👍🏻不過份量好多😂最後食唔哂。
Caesar Salad ($158)
味道唔錯，生菜新鮮。
脆煙肉係一片片，唔係一粒粒；而脆麵包係薄薄嘅麵包片，唔會好硬。
份量2個人 share 剛剛好
Filet Mignon (180g) ($500)
五成熟，件扒好淋，醬汁有牛油蛋黃醬、胡椒汁、蘑菇汁同紅酒汁揀。
我揀咗蘑菇汁，醬汁係分開上。用嚟點薯條都好味😆
當上完牛扒，職員會隨即拎芥辣盤。
Rib Eye (340g) ($650)
同樣五成熟，肉味比Mignon濃，亦相對有咬口。
我個人都係偏好 Mignon 多啲🫢
Baked cheesecake ($95)
蛋糕帶橘子果香，配搭碟上嘅果醬一齊食，好夾。蛋糕上放咗麥芽糖脆脆片，蛋糕質地較輕身，唔會好膩。
用餐前一日，餐廳會致電確定booking，職員會問定係咪節日慶祝，如果係生日，會問定名。
叫甜品嘅時候，會將壽星名寫係碟上面，仲會送一張即影即有相🥰
整個用餐體驗都好滿意，職員好有禮貌，餐廳氣氛好好，食物質素高。
之前食過Morton’s of Chicago，雖然兩間餐廳路線唔同，唔應該拎黎比較。但俾我揀，我會揀wooloomooloo。
Morton’s of Chicago 比較熱鬧，但佢可以印名係 menu 😆，食物份量較大，生日亦會送甜品盤；wooloomooloo就有景有氣氛，人流無咁多，環境亦靜啲，當然食物價錢比M 低。
wooloomooloo如果唔飲酒的話，每人平均消費大約$800左右。當晚，我哋叫咗一支白酒，總共$2200左右。
如果早啲book位，可以坐到窗口位，用餐體驗會再加分👍🏻
將來節日慶祝，大家可以考慮吓哩間餐廳👍🏻
Post
