鴨仔冰室 (Closed)

某天晚上同朋友去左觀塘揾野食，之後黎到左一個好似food court甘既地方，入面有幾間唔同款式既餐廳，花多眼亂之下我地就揀左食一間叫鴨仔冰室既西餐廳，入面有好多鴨仔裝飾，燈光柔和浪漫，職員態度非常親切友善，仲安排左我地坐梳化位tim，而且呢度唔似其他餐廳甘有限時食幾耐，可以坐幾耐都得，職員更提供左口罩套俾我地用相當貼心，餐牌款式選擇多，我地叫左一個西冷牛扒配薯條，是日餐湯羅宋湯好入味，同埋叫左一個鐵板雜扒餐有豬扒，腸仔，牛扒，雞扒等等，岩晒食肉獸朋友，最後仲跟餐叫左兩杯飲品。