彤粵菜小館 (Closed)

尖沙咀呢間彤粵菜小館係新開既，裝修好大氣，啲屏風都好有特式，打卡都仲得📸🍖焗豬肋骨 $298豬肋骨焗到好香脆，啲豬肉既油香滲出黎岩岩好，增添豬肉香味，仲要有埋錫紙包住舊骨，方便揸住黎食，不得了！😋桂花炒花膠柳 $268😍一個用料高貴又養顏既菜式！桂花絲好清香，花膠切到條條好有咬口，加埋瑤桂絲同蛋絲，好食到停唔到口呀！！草原風波 $98🥗淨係聽個名就忍唔住叫😆滿滿牛展絲用上柚子汁調味，加埋其他蔬菜絲，口感好好，超fresh超好食！呢間菜館真係樣樣都好高質，下次要再黎試埋其他菜式！