Pinot Duck (Closed)

約左老爺奶奶一齊食晚飯，由於嗰晚落大雨，book左7點鐘但大家都早左出門，6點鬆d就去到，好在佢都冇限時，可以俾我地入去坐。 燈光昏暗，有d令人想訓覺嘅感覺 我好努力咁睇menu, 最後叫左半隻片皮鴨，牛肋骨，黑松露燒雞，燒羊肉串同杏仁脆奶。 片皮鴨d配料好多款，有別於傳統食法。 另外個牛肋骨超大份，又好夠淋，醬汁味道出晒泥！！仲有個羊肉串，又係好淋，仲要冇酥味，整得幾出息！個燒雞都好香黑松露味~最欣賞個杏仁脆奶，係成舊都好香杏仁味！大家都讚不絕口服務都抵讚，會時不時幫我地加水！