Video
Read full review
2024-01-17
32 views
同朋友慶生，特登搵咗間有feel 有得寫生日碟嘅餐廳，想講個甜品睇得又食得，生日碟手字仲幾靚🎂慶生任務completed☺️ 今次頭盤散嗌咗幾隻🦪生蠔，是日嘅係銀堡疊 ($68/隻），肉質肥厚而且海水味重🌊平時麻麻地生蠔嘅朋友都大讚。另外叫咗兩個Dinner Sets，本身佢跟個餐湯/西班牙火腿田園沙律，但難得慶生緊係食好d，於是都升級哂。 首先係香煎法式鵝肝多士（$88)， 🪿鵝肝表面煎過嘅焦香同內裡嘅油脂 配合軟硬啱啱好嘅多士一齊融入口中，係幸福嘅感覺❤️ 另一個係🦀煙三文魚蟹肉他他 ($68)，煙三文魚唔膩，加埋啖啖蟹肉同沙律菜, 食完鵝肝再食呢個refresh返!主菜嘅烤🐷加拿大豬鞍配蜜糖芥末籽汁 ($228) 勁厚肉, 成cm咁厚，食落幾嫩, 保留到應有嘅濕度, 加埋個汁甜甜地好開胃。 另一道係🦞香煎日本帶子大蝦龍蝦汁意大利飯 ($148),大蝦幾爽口, 帶子又係好厚! 啖啖肉咁! 幾欣賞佢個飯係做到夠龍蝦味但又唔會掛太多汁!飲品嗌咗個🍓凍鮮果茶同🥭凍熱情果特飲(跟餐+$22)。熱情果特飲用tonic water做底，再加d熱情果syrup同埋水果 (原粒🍓士多啤梨、🍍菠蘿塊同
同朋友慶生，特登搵咗間有feel 有得寫生日碟嘅餐廳，想講個甜品睇得又食得，生日碟手字仲幾靚🎂慶生任務completed☺️
今次頭盤散嗌咗幾隻🦪生蠔，是日嘅係銀堡疊 ($68/隻），肉質肥厚而且海水味重🌊平時麻麻地生蠔嘅朋友都大讚。
另外叫咗兩個Dinner Sets，本身佢跟個餐湯/西班牙火腿田園沙律，但難得慶生緊係食好d，於是都升級哂。 首先係香煎法式鵝肝多士（$88)， 🪿鵝肝表面煎過嘅焦香同內裡嘅油脂 配合軟硬啱啱好嘅多士一齊融入口中，係幸福嘅感覺❤️
另一個係🦀煙三文魚蟹肉他他 ($68)，煙三文魚唔膩，加埋啖啖蟹肉同沙律菜, 食完鵝肝再食呢個refresh返!
主菜嘅烤🐷加拿大豬鞍配蜜糖芥末籽汁 ($228) 勁厚肉, 成cm咁厚，食落幾嫩, 保留到應有嘅濕度, 加埋個汁甜甜地好開胃。
另一道係🦞香煎日本帶子大蝦龍蝦汁意大利飯 ($148),大蝦幾爽口, 帶子又係好厚! 啖啖肉咁! 幾欣賞佢個飯係做到夠龍蝦味但又唔會掛太多汁!
飲品嗌咗個🍓凍鮮果茶同🥭凍熱情果特飲(跟餐+$22)。熱情果特飲用tonic water做底，再加d熱情果syrup同埋水果 (原粒🍓士多啤梨、🍍菠蘿塊同🍑蜜桃塊) etc，甜度啱啱好，感覺好fresh。
鮮果茶嘅生果配料一樣，但飲落冇特飲甜, 感覺帶有天然水果味嘅微糖茶底, 唔似坊間嗰啲水果茶包沖嘅聞落就香，飲落冇味咁。
雖然有D長氣但不得不提，侍應哥哥服務好好, 令到成餐飯有加分.
Post
