Video
Read full review
2019-07-08
87 views
本身自己就係住九龍區，今次約嘅朋友係住沙田。本身約食飯就約係九龍塘又一城食，因為大家都無咩Idea，但佢話覺得有啲唔舒服，所以想食清淡啲嘅嘢食。其實出街食，真係好難搵到清淡嘅嘢食。不過佢話朋友介紹有間係火炭嘅蒸鍋幾好食，又係蒸嘅，無咁熱氣同重口味。於是大家就佢，我就要離開我熟悉的九龍區，長驅直入火炭。但係間嘢其實都有少少難搵嘅（對於我呢啲路癡嚟講）不過有Google map 帶路都成功係半小時內搵到。由於我地都係比較遲先去預約，好多時間都full booking，幾經波折才預約到。嚟到門口，覺得真係唔似蒸鍋，似係café多啲，好文青，好雅緻。入到去睇到位置都唔係好多，怪唔之得咁難BOOK啦。老實講，睇到MENU嘅價錢又係嚇一驚嘅，我好耐都無食過三舊水以上嘅飯啦。又到月尾啦，反正都就快出糧，於是決定將銀行剩低嘅錢攞曬出嚟食餐好嘅。（不知不覺暴露了我銀行的餘額）於是我地都決定叫最貴嘅套餐！慶祝下就嚟出糧！前菜係皮蛋加番茄，加咗啲類似豆芽咁嘅嘢，食落無咩味，酸酸地，我都係中意食譚仔嘅尖椒皮蛋多啲。其後佢每份嘢食上到嚟我地都大大聲：哇~由於擺落去就蓋住咗，所以我地都唔記得咗要比相機食先。後尾先
於是大家就佢，我就要離開我熟悉的九龍區，長驅直入火炭。但係間嘢其實都有少少難搵嘅（對於我呢啲路癡嚟講）不過有Google map 帶路都成功係半小時內搵到。
由於我地都係比較遲先去預約，好多時間都full booking，幾經波折才預約到。
嚟到門口，覺得真係唔似蒸鍋，似係café多啲，好文青，好雅緻。
入到去睇到位置都唔係好多，怪唔之得咁難BOOK啦。
老實講，睇到MENU嘅價錢又係嚇一驚嘅，我好耐都無食過三舊水以上嘅飯啦。
又到月尾啦，反正都就快出糧，於是決定將銀行剩低嘅錢攞曬出嚟食餐好嘅。（不知不覺暴露了我銀行的餘額）
於是我地都決定叫最貴嘅套餐！慶祝下就嚟出糧！
前菜係皮蛋加番茄，加咗啲類似豆芽咁嘅嘢，食落無咩味，酸酸地，我都係中意食譚仔嘅尖椒皮蛋多啲。
其後佢每份嘢食上到嚟我地都大大聲：哇~
由於擺落去就蓋住咗，所以我地都唔記得咗要比相機食先。
後尾先記得要影相。
影得無真實咁好睇，佢啲排盤好靚啊，令我感覺好似食緊西餐咁。
聽佢講，好多蔬菜都係有機，本地新鮮種植嘅。
我：唔知係咪因為佢話係有機，真係食到好新鮮嘅感覺。
朋友：姐係你食到x嘅感覺係咪？（估字遊戲）
我：……
最後嘅十六穀粥底在整場晚宴的最後壓軸登場，展現了它平實的魅力之餘又不失風味。
有日式清幽嘅氛圍，西式嘅精緻擺盤，中式嘅蒸蔬菜配肉類，
食材新鮮有特色，仲有花生豆芽食，真係聽過好多次，食就第一次，味道真係有花生味架（應該唔係幻覺）成餐食落嚟都食咗好幾款蔬菜，又有不同穀物，感覺對腸胃好好。
味道，環境，服務都屬中上，值得一試。
Post
