簡.聚

Open Now

Now Closed

元朗依邊都比較少西餐廳，難得元朗有一間環境靚嘅西餐廳，就決定約埋朋友嚟慶祝生日🎂餐廳主打食生蠔，我地都係第一次食嚟自日本嘅日之雪花同西班牙銀堡壘🦪日之雪花生蠔鮮甜飽滿，幾creamy，比起歐洲生蠔，海水味冇咁重，蠔味更加突出🤪🤪銀堡壘好厚實，海水味比較重，唔洗加調味料已經好好食😄😄食生蠔要配埋白酒一齊飲，依度嘅白酒係我鍾意嘅味道，酸度更高就愈帶出到生蠔嘅鮮味👍🏻👍🏻西班牙火腿田園沙律新鮮沙律菜配上黑醋汁，酸酸甜甜非常開胃😋😋香煎日本帶子配三文魚籽法式多士帶子加左牛油輕輕煎香，加埋爆汁嘅蟹子同法包一齊食，味覺視覺雙重享受😎香煎鵝肝黑松露意大利麵黑松露幾濃味，醬汁好杰身，鵝肝亦煎到金黃色，配埋意粉一齊食好邪惡!!!!!烤加拿大豬鞍配蜜糖芥末籽汁豬鞍好厚身，配埋蜜糖芥末籽汁，酸酸地，食完冇咁濟焗薯亦十分出色，加少少鹽簡單已經好好食🤤最後仲食埋Opera Cake慶祝生日!!!