Bingo & Cook (港匯廣場)

Open Now

Now Closed

今日我哋七個人去食呢間韓國料理餐廳，點咗好多嘢食，個個走嗰陣時都捧住個肚，食得好開心。我哋叫咗個海鮮鍋，好足料，有扇貝、青口、蝦、鮑魚、蟹、仲有個麵俾你加落去，份量10分足夠。我哋仲叫咗兩款炸雞，包括蒜香蜜糖炸雞同埋芝士炸雞，其中一個仲有埋腸仔同炸年糕，好鍾意個炸年糕，好趣好好味。蒜香蜜糖嗰個都好正，可以再返食。仲有我最期待嘅豬手，佢一路有個火業主啲豬手，包埋啲泡菜生菜同埋紫蘇葉，真係好好食。我哋仲叫咗個石頭鍋飯同炒年糕、正常操作唔算太特別。雖然我唔食蟹，但係我有朋友叫咗醬油蟹，佢話加埋落個飯度食真係好正。我哋仲叫咗個辣嘅豬肉同埋海鮮煎餅，都好食，但係個豬肉有啲辣，唔食得辣嘅朋友仔要注意辣。茶餐廳好有氣氛，隔籬枱有人生日，全場都一齊唱歌同播音樂，好有氣氛啦。