cafe TOO

聖誕月份食個自助餐開心下~一入到黎酒店，到處都係聖誕裝飾，超有氣氛。首先見到的係一個超巨型蒸篦，裡面有花甲、蜆等等的貝類海鮮，但伸手去夾都幾熱，裡面的肉又跌哂出黎。三杯雞幾惹味，唔錯。凍海鮮種類唔多，只有麵包蟹、蝦、螺等等，唔算特別吸引。包的種類都算多，preztel、foccaccia、法包等等，都有果醬同牛油任搽。最令人賞心悅目都係甜品，午餐buffet黎講算係好多選擇，好多朱古力的甜品。全部精緻高質。印度naan冇咩人掂，但其實幾好食喎，除左原味，仲有garlic naan。