Video
Read full review
2017-09-27
223 views
星期日出街食飯面對最大嘅問題就係人多，是日約左兩個朋友食飯，想搵個靜靜地、坐得舒服嘅地方，睇過評語話呢度唔錯，所以就揀左呢度。地方寬闊舒適，而且都幾多位， 加上我地六點鐘就人座，客人唔算好多，咁我地四個就點左小食、咖喱蝦、菜、春雞，整體質素都好好。小食拼盤：咩都有啲，蝦餅、春卷、蝦片、雞翼，叫拼盤適合多人分享，味道都唔錯，最緊要夠新鮮，即時做起。灼魷魚 ： 魷魚 白灼，配合豉油wasabi，估唔到既保留左魷魚嘅鮮味，又食落完全唔韌，仲要有優惠價88蚊就食到原隻魷魚！燒春雞：由於係春雞，份量唔會過多，四個人分享剛好。雞雖然係燒成，但都保持嫩滑度，而且用醃料製成，雞肉都好入味。椰菜苗：好鐘意食椰菜苗，因為平時唔多機會食到。馬拉盞炒得夠惹味，個人認為都有少少辣。咖喱蝦：蝦有六隻，188 蚊以泰國菜而言都差唔多。咖喱汁味道香濃，而且都幾澎湃，如果點個包或者薄餅正。大蝦都好彈牙，入面仲有金瓜、薯仔等，我地都食清光。鮮果汁：見到有水耕菜、水果鮮榨果汁，我都二話不說點左，即場用便攜式榨汁機榨，又新鮮又健康。我仲自己親手整，哈哈。阿華田：大量阿華田粉灑喺面頭，適合鐘意香濃阿華田嘅朋友，甜度適中。菠蘿
地方寬闊舒適，而且都幾多位， 加上我地六點鐘就人座，客人唔算好多，咁我地四個就點左小食、咖喱蝦、菜、春雞，整體質素都好好。
小食拼盤：咩都有啲，蝦餅、春卷、蝦片、雞翼，叫拼盤適合多人分享，味道都唔錯，最緊要夠新鮮，即時做起。
灼魷魚 ： 魷魚 白灼，配合豉油wasabi，估唔到既保留左魷魚嘅鮮味，又食落完全唔韌，仲要有優惠價88蚊就食到原隻魷魚！
燒春雞：由於係春雞，份量唔會過多，四個人分享剛好。雞雖然係燒成，但都保持嫩滑度，而且用醃料製成，雞肉都好入味。
椰菜苗：好鐘意食椰菜苗，因為平時唔多機會食到。馬拉盞炒得夠惹味，個人認為都有少少辣。
咖喱蝦：蝦有六隻，188 蚊以泰國菜而言都差唔多。咖喱汁味道香濃，而且都幾澎湃，如果點個包或者薄餅正。大蝦都好彈牙，入面仲有金瓜、薯仔等，我地都食清光。
鮮果汁：見到有水耕菜、水果鮮榨果汁，我都二話不說點左，即場用便攜式榨汁機榨，又新鮮又健康。我仲自己親手整，哈哈。
阿華田：大量阿華田粉灑喺面頭，適合鐘意香濃阿華田嘅朋友，甜度適中。
菠蘿沙冰：原個菠蘿上，造型吸引，味道天然，清涼解喝。
椰汁紅豆冰：不過不失。
環境又舒服、服務都很好，我地對食物都好滿意~
Post
