和拉麵

Open Now

Now Closed

收工返到屋企唔知食乜好，就落街四圍睇吓。行行吓聽到餐廳門口有個店員話，佢哋嘅豬骨湯底煮左10幾個鐘，正宗博多口味拉麵，未試過就入去試吓。拉麵選擇唔多只有三款，我自己鍾意食辣就叫咗香滑既辛辣拉麵。先試湯底，幾香濃，但唔油亦唔過咸。辣度對我來說是bb級，惹味不刺激，唔錯。糖心蛋入味加流心，有水凖！叉燒用咗腩位，肥瘦相間加燶邊，賣相吸引。入囗肉質嫩滑，脂香十足，齒頰留香！拉麵係直身細麵，彈牙而且掛湯力都ok。枱面另有芽菜泡菜，香辣惹味。想輕鬆一下就叫咗杯生啤，係香港少見既suntory premium melt,另外叫咗個和風雞軟骨送酒。啤酒甘味重，同香脆既雞軟骨好夾。無心插柳之下發現依間水準不錯既拉麵，下次會帶屋企人再黎。