金鶴拉麵 (利民大廈)

Open Now

Now Closed

一直都未試金鶴拉麵，今日終於約埋老公出嚟撐枱腳。嚟到梗係要食佢最出名嘅招牌菜式，極濃龍蝦湯拉麵，湯底果然濃郁。其實加$60仲可以配有一隻龍蝦尾，見到隔籬枱啖啖肉食得津津有味，下次都要再加。北海道蟹湯拉麵湯底呈現奶白色，感覺特別暖笠笠。一大份嘅蟹膏蟹肉放在拉麵之上，真係非常香口。兩款拉麵都配有半隻流心蛋。仲有慢煮嘅叉燒，薄切嘅叉燒令口感更嫩滑。當然就唔少得紫菜，浸過湯底嘅紫菜，真係好似打邊爐嘅響鈴咁好味。另外我哋仲揀咗鹽燒五花腩，呢個價錢有兩串都唔錯。而且每塊都燒得甘香，近皮嘅位置仲燒得脆卜卜，食起上嚟唔覺油膩。