Video
Read full review
2017-01-23
1779 views
表妹生日, 佢話想試下私房菜。經同事介紹之下, 認識到呢間西式私房菜，地點都方便，於是我早一星期就打電話黎Book 台。準時19:30 黎到, 預先同餐廳傾左menu,比左budget餐廳諗住比個驚喜佢.煙三文魚沙律前菜黎講, 呢個沙律既賣相幾好。煙三文魚份量比沙律菜份量仲要多, 個醬汁調得幾好, 好開胃。麥精鵝肝蝦雲吞呢個菜式令人又驚又喜, 因為麥精調味真係聞所未聞, 好難想像會係點; 表妹笑說靈感會唔會係黎自龍咁威。餐廳一介紹時, 聽到個名都好令人期待!雲吞幾大粒, 入面包住鵝肝同埋蝦肉, 鵝肝既味道比較出, 加少少蝦既鮮味反而無咁膩。麥精汁比想像中無咁奇怪, 反而幾得意, 調到個湯有少少麥味, 無麥精咁甜! 黑松露野菌湯我好鍾意呢度既野菌湯, 味道好Rich, 黑松露味好濃, 口感好Creamy! 聽餐廳介紹係用3.6北海道牛而且湯入面有好多野菌粒(侍應話有26種野菌咁多), 仲落埋意大利黑松露片, 不得了紅粉燒海虎蝦 之後黎既係紅粉燒海虎蝦, Size 約成隻碟咁大。虎蝦理處得幾好，外皮好脆身，肉質好爽, 好鮮甜!!脆烤深海鱸魚外皮脆卜卜, 幾香口, 魚肉都仲係幾滑, 唔算好多
準時19:30 黎到, 預先同餐廳傾左menu,比左budget餐廳諗住比個驚喜佢.
煙三文魚沙律
前菜黎講, 呢個沙律既賣相幾好。煙三文魚份量比沙律菜份量仲要多, 個醬汁調得幾好, 好開胃。
麥精鵝肝蝦雲吞呢個菜式令人又驚又喜, 因為麥精調味真係聞所未聞, 好難想像會係點; 表妹笑說靈感會唔會係黎自龍咁威。餐廳一介紹時, 聽到個名都好令人期待!
雲吞幾大粒, 入面包住鵝肝同埋蝦肉, 鵝肝既味道比較出, 加少少蝦既鮮味反而無咁膩。麥精汁比想像中無咁奇怪, 反而幾得意, 調到個湯有少少麥味, 無麥精咁甜!
黑松露野菌湯我好鍾意呢度既野菌湯, 味道好Rich, 黑松露味好濃, 口感好Creamy! 聽餐廳介紹係用3.6北海道牛
而且湯入面有好多野菌粒(侍應話有26種野菌咁多), 仲落埋意大利黑松露片, 不得了
紅粉燒海虎蝦 之後黎既係紅粉燒海虎蝦, Size 約成隻碟咁大。
虎蝦理處得幾好，外皮好脆身，肉質好爽, 好鮮甜!!
脆烤深海鱸魚外皮脆卜卜, 幾香口, 魚肉都仲係幾滑, 唔算好多骨。
網燒牛柳呢個網燒牛柳五成熟, 牛柳上面網紋好深, 賣相好吸引。
食落去, 外皮微脆, 五成熟無多無少, 肉汁完全鎖左o係入面, 好Juicy!
牛味都幾濃, 來貨應該唔平．
總括黎講, 表妹幾滿意呢餐生日飯, 呢度既Service 好好, 店員勁nice, 令人加唔少分!
Post
