鱷魚泰國餐廳 (Closed)

今晚突然間好想食泰國菜，即刻同朋友落九龍城搵食，四周圍行左一陣，選擇真係好多！一時之間都唔知點揀，喺九龍城開得泰國菜應該都唔錯！經過見到呢間星期一至四有七折優惠，好似好抵食，就入咗嚟試吓啦！首先揀咗個咖哩軟殼蟹趣包，一嚟到見到好大個，就知道夠晒飽肚，打開個包，就聞到好香咖喱味，忍唔住就叫咗個薄餅同埋雞油飯送咖喱，一路食，覺得啲蟹食極都仲有，個底仲有好多舊，用料好足，咖喱汁好香濃，用嚟送薄餅同白飯真係一流！另外叫咗香茅雞翼，超級惹味！加埋杯椰汁冰真係暑氣全消！最後叫咗個芒果糯米飯，芒果當做好甜，仲排得好靚，總括來講，食物質素唔錯，環境同座位都舒服，而且價錢好抵，我同朋友都食得好飽好滿足，有機會會再嚟食