Butlery

Open Now

Now Closed

Weekend去左沙田新城市食個晚餐先回家，一去見到勁多人等位，証明依間去幾多次都唔會厭，質素從來無令我失望。我地點左雞肉mozzarelle芝士墨西哥薄餅配番茄莎莎（$79），另外伴碟有酸忌廉和牛油果醬，墨西哥薄餅餡料十足，加埋牛油果醬入口勁惹味。主食點左安格斯牛肉肉醬闊麵＆溫泉蛋，裡面有大量安格斯牛肉碎，而闊麵麵質煮得岩岩好，唔會太過淋，飽肚感十足。另一份主食點左燒法國春雞，配上大啡蘑菇法邊豆、牛油果、小蕃茄和自家製酸辣醬，法式烤雞嘅煮法，烤雞脾外皮酥脆，雞肉多汁嫩滑，飯用上Risotto做法，米飯粒粒軟糯，醬汁令每粒飯都相當濕潤，極具層次感。黎依度一定要食甜品，我地揀左Ricotta 厚班戟，配上香蕉、拖肥醬、雲尼拿吉士醬和脆焦糖，厚班戟Ricotta質感綿厚，外層有香甜脆焦糖，令空氣感十足班戟增加多一份口感。入口有濃濃嘅蛋香，好正。