山洞食堂

Open Now

Now Closed

最近去黃竹坑行街試左一間韓式燒肉店餐廳嘅門口就好似山洞咁裡面嘅裝潢以岩石系風格為主配合柔和嘅燈光營造出一個有情調嘅用餐環境非常適合約會聚餐🔸宮 牛盛呢個餐廳嘅招牌牛肉拼盤，有五款唔同部位嘅和牛，包括有和牛肋眼上蓋、極上牛小排、和牛牛裙肉、和牛牛肋肉同埋和牛三筋肉。每款和牛嘅色澤都好亮麗，油脂分布好完美，當中我最鍾意嘅就係極上牛小排，食落油香味十足，口感非常Juicy。🔸水果醬油雞頸肉雞爽肉用水果醬油醃製完，非常入味，雞肉新鮮爽嫩，食落嫩滑多汁，非常惹味。🔸濟洲活鰻魚餐廳選用濟州出產嘅鮮活鰻魚，鰻魚肉質肥美鮮嫩，燒完之後皮脆肉嫩，點埋秘製嘅鰻魚汁就更加好味。🔸神仙雪濃湯雪濃湯以牛骨、牛肉熬燉而成，湯頭好甜，飲落牛味香濃，仲配有一碗白飯，加埋落湯度一齊食超級滿足。🔸韓牛泡菜炒飯炒飯粒粒分明，好有鑊氣，每啖都食到有韓牛粒，非常足料，仲有隻煎得好靚靚嘅太陽蛋喺面，撈埋伴碟嘅紫菜一齊食仲好味。